«Միասին Մենք Կարող ենք» Նորք Ինֆեկցիոն Հիվանդանոց

«Միասին Մենք Կարող ենք» նախաձեռնության շնորհիվ հուլիսի 10- ին  «Թովմասյան» հիմնադրամն ամբողջությամբ բավարարեց Նորք Ինֆեկցիոն հիվանդանոցի կողմից ներկայացված հայտը։ Հիվանդանոցը սպասարկում է COVID-19-ով վարակված հիվանդների գերակշիռ մեծամասնությանը։ Ստացված հայտին համապատասխան հիմնադրամն ինֆեկցիոն հիվանդանոցին տրամադրեց երեսուն հիվանդի մահճակալ եւ հիսուն պուլսօքսիմետր։

Մհեր Դավիդյանց /Նորք ինֆեկցիոն հիվանդանոցի տնօրեն/. «Ցանկանում եմ շնորհակալություն հայտնել «Թովմասյան» բարեգործական հիմնադրամին այս ծանր շրջանում մեզ աջակցելու հմարա։ Հիմա մենք վստահ ենք, որ կարող ենք մեր հիվանդների համար ապահովել համապատասխան պայմաններ»,- ասում է Մհեր Դավիդյանցը։

«Թովմասյան» հիմնադրամն ամբողջությամբ բավարարել է նաեւ Գյումրու եւ Վանաձորի ինֆեկցիոն հիվանդանոցներից, ինչպես նաեւ ՀՀ ՊՆ-ից եւ ՀՀ Ոստիկանության Բուժվարչությունից ստացված հայտերը։

Արտակ Թովմասյան. «Անկախ խորհրդի որոշմամբ մենք օգնել ենք բոլոր նրանց, ովքեր այս վիրուսի հետեւանքով ունեին օգնության կարիք։ Մեզնից յուրաքանչյուրը կարող է իր մասնակցությունն ունենալ այս նախաձեռնությանը եւ մեզ հետ փրկել կյանքեր։ Միջոցների հավաքագրումը դեռ շարունակվում է, քանի որ շարունակվում եւ ուժգնանում է նաեւ պանդեմիան»,- ասում է Արտակ Թովմասյանը։

Սոնա Ռուբենյան /Երգչուհի/. «Մենք մեր երգերով միացանք այս նախաձեռնությանը եւ հիմնադրամին օգնեցինք փրկել կյանքեր ու տարածել դրական լիցքեր ամբողջ աշխարհում»։

Գրիշա Աղախանյան /Շոումեն/. «Հիմնադրամի այս նախաձեռնությունն իրոք կարեւոր է մեր երկրի համար»։

Աշոտ Ղարայան /Շոումեն/. «Մեզ համար անգամ մի ցենտը մեծ օգնություն է։ Գումարների հավաքագրումը շարունակվում է, դուք կարող եք մեզ միանալ աշխարհի տարբեր ծայրերից»։